Suicide | గాంధీ ఆస్ప‌త్రిలో దారుణం

Suicide | గాంధీ ఆస్పత్రి (Gandhi Hospital) లో దారుణం చోటు చేసుకుంది. ఆస్పత్రిలో చికిత్స పొందుతున్న రోగి భవనం మూడో ఫ్లోర్ నుంచి దూకి ఆత్మహత్య (Suicide)కు పాల్పడ్డాడు. పోలీసులు తెలిపిన వివరాల ప్రకారం యాదగిరిగుట్ట (Yadagirigutta) మండలం వంగపల్లి (Vangapalli)కి చెందిన నరేందర్ (37) అప్పుల బాధ భరించలేక ఈ నెల 1న పురుగుల మంది తాగి ఆత్మహత్యాయత్నానికి (Suicide Attempt) పాల్పడ్డాడు. దీనిని గుర్తించిన కుటుంబసభ్యులు ఆస్పత్రికి తరలించడంతో ప్రమాదం తప్పింది. అప్పటి నుంచి గాంధీ ఆస్పత్రిలో చికిత్స పొందుతున్నాడు. ఈ క్రమంలో సోమవారం తెల్లవారుజామున రెండు గంటల సమయంలో మూడో ఫ్లోర్లోని ఎమర్జెన్సీ బ్లాక్ ఏఎంసీ వార్డు బాత్రూమ్లోకి వెళ్లి కిటికీ నుంచి దూకి ఆత్మహత్యకు పాల్పడ్డాడు. గమనించిన వారు వైద్య సిబ్బందికి సమాచారం అందించగా, వచ్చి అతడిని పరీక్షించగా అప్పటికే మృతి చెందినట్లు నిర్ధారించారు. పోలీసులు కేసు నమోదు చేసుకుని దర్యాప్తు చేస్తున్నారు.