మెస్సీతో ఆడుకున్న సీఎం రేవంత్ మ‌న‌వ‌డు

మెస్సీతో ఆడుకున్న సీఎం రేవంత్ మనవడు త్రినేత్ర.న్యూస్: ఫుట్బాల్ ఆటలో దిగ్గజం, రికార్డుల శిఖరం లియెనెల్ మెస్సీ షో విజయవంతంగా ముగిసింది. GOAT పర్యటనలో భాగంగా శనివారం (2025 డిసెంబర్ 13) ఉప్పల్ స్టేడియం మెస్సీ నినాదాలతో హోరెత్తిపోయింది. సింగరేణి ఆర్ ఆర్ - అపర్ణ మెస్సీ జట్ల మధ్య జరిగిన పోటీలో మెస్సీ కేవలం రెండంటే రెండే నిమిషాలు బాల్ అటూ ఇటూ ఆడించారు. ఆ తర్వాత రెండు జట్ల ప్లేయర్లతో, సీఎంతో గ్రౌండ్లో ఓ మూలన ఫుట్బాల్ వామప్ చేశారు. ఆ తర్వాత ఫొటో సెషన్తో మెస్సీ మేనియా సమాప్తమైంది. గత కొన్ని రోజులుగా ఊరిస్తున్న కార్యక్రమం అంచనాలను మించి అలరించి హైదరాబాద్కు ఓ మరుపురాని జ్ఞాపకంగా మిగిలిపోయింది. రెండే నిమిషాలు.. కీపర్లేని పోస్టుకు గోల్ మెస్సీ వస్తున్నాడనగానే యావత్ మీడియా అంతా అనేక అంచనాలను ప్రేక్షకుల నెత్తిన కుమ్మరించింది. కానీ వాస్తవానికి మెస్సీ అడిందంతా రెండు నిమిషాలలోపే. అదీ ఓ వామప్ యాక్టివిటీ. అంటే ఫుట్బాల్ను కొద్దిసేపు ఒకరినొకరు అటూ ఇటూ పాస్ చేసుకుంటారు. అలా జరిగిన తర్వాత చివరగా మెస్సీ ఓ గోల్ కొట్టాడు. ఆ గోల్ కొడుతున్న సమయంలో గోల్ పోస్ట్ వద్ద ఏ ఒక్కరూ లేరు. ఆ తర్వాత ఆ మ్యాచ్ అయిపోయిందనిపించి మళ్లీ వామప్ చేశారు. ఆ చిన్న పిల్లాడు ఎవరంటూ.. సీఎం రేవంత్ రెడ్డితో మెస్సీ ఫుట్బాల్ వామప్ జరుగుతుండగా హఠాత్తుగా ఓ మూడు-నాలుగేళ్ల బుడతడు ప్రత్యక్షమయ్యాడు. నేరుగా సీఎం పక్కనే వచ్చి నిలబడి ఆడుతుండడంతో ప్రొఫెషనల్గా కామెంటరీ చేస్తున్న వ్యాఖ్యాత అదొగ గొప్ప విశేషంగా అనుభూతి చెందాడు. తెలంగాణ రాష్ట్రంలో ఇంత చిన్న పిల్లవాడికి కూడా మెస్సీతో ఆడించడం చూసి.. ఆ పిల్లాడి తల్లిదండ్రులు ఎంత సంతోషించి ఉంటారోనని ఆనందపడిపోతూ వ్యాఖ్యానించాడు. కానీ ఆ బుడతడు సీఎం మనవడు అని ఆ వ్యాఖ్యాతకు తెలియరాలేదు. మొత్తానికి సీఎం రేవంత్ రెడ్డి మనవడు కూడా మెస్సీతో ఫుట్బాల్ ఆడుకున్న తర్వాతే షో సమాప్తమైంది. ఆ తర్వాత కొద్ది సేపు ఫొటో సెషన్ నడిచిన తర్వాత ఉప్పల్ స్టేడియం ఖాళీ అయ్యింది

మెస్సీతో ఆడుకున్న సీఎం రేవంత్ మ‌న‌వ‌డు

సీఎం రేవంత్ రెడ్డి మ‌న‌వ‌డు కూడా మెస్సీతో ఫుట్‌బాల్ ఆడుకున్న త‌ర్వాతే షో స‌మాప్త‌మైంది

FOLLOW US

ట్యాగ్స్:

సంబంధిత వార్తలు

CM Revanth Reddy | ప‌రిపాల‌న‌ను ప‌ట్టాలెక్కించాల‌నేదే మా ఆలోచ‌న : సీఎం రేవంత్ రెడ్డి

Congress | బీసీ రిజ‌ర్వేష‌న్ల‌కు బీజేపీ అడ్డంప‌డుతోంది: మ‌హేశ్ కుమార్ గౌడ్‌

Talasani Srinivas Yadav | ముఖ్య‌మంత్రి భాష మార్చుకో.. రేవంత్‌కు త‌ల‌సాని హెచ్చ‌రిక‌

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Zodiac Signs | 2026లో ఆ రాశి రాజ‌కీయ నేత‌ల‌కు మంచి రోజులు.. హంస యోగంతో అధికార పీఠం వైపు..!

INDW Vs SLW | స‌త్తా చాటిన భార‌త్‌.. లంక‌పై టీ20 సిరీస్ క్లీన్ స్వీప్‌..

Zodiac Sign | 2026లో ఈ రాశి విద్యార్థుల‌కు అన్ని విజ‌యాలే..! యూపీఎస్సీ ఫ‌లితాల్లో స‌క్సెస్ అవుతార‌ట‌..!!

POPULAR LINKS

BSNL | బీఎస్ఎన్ఎల్‌ క‌స్ట‌మ‌ర్ల‌కు గుడ్ న్యూస్‌.. త్వ‌ర‌లోనే 5జి సేవ‌లు..

Riddhi Kumar | రాజాసాబ్ కంటే ముందు ప్ర‌భాస్‌తో హీరోయిన్ రిద్ది కుమార్ చేసిన సినిమా ఏదో తెలుసా?