KTR | సిమెంట్ కంపెనీని అమ్మేందుకు రాష్ట్ర ప్ర‌భుత్వం స‌హ‌క‌రిస్తోంది: కేటీఆర్‌

రేవంత్ కుటుంబసభ్యుడికి కట్టబెట్టేందుకు కుట్రలు కాంగ్రెస్, బీజేపీ రెండూ ఒక్కటైపోయాయి ఢిల్లీకి మూటలు మోస్తూ కుర్చీ కాపాడుకుంటున్నాడు బోథ్లో జరిగిన సర్పంచ్ల సన్మాన సభలో కేటీఆర్ KTR | ఆదిలాబాద్ (Adilabad) లోని సిమెంట్ కంపెనీ (Cement Company) ని అమ్మేందుకు కేంద్రప్రభుత్వం ప్రయత్నిస్తుండగా, దానికి కాంగ్రెస్ (Congress) నేతృత్వంలోని రాష్ట్ర ప్రభుత్వం సహకరిస్తోందని బీఆర్ఎస్ (BRS) కార్యనిర్వాహక అధ్యక్షుడు, మాజీ మంత్రి కేటీఆర్ (KTR) ఆరోపించారు. బీఆర్ఎస్ ప్రభుత్వం అధికారంలో ఉన్నన్ని రోజులు కంపెనీని అమ్మకుండా అడ్డుకున్నామని గుర్తు చేశారు. ముఖ్యమంత్రి (CM) రేవంత్రెడ్డి (Revanth Reddy) కుటుంబసభ్యుడే దానిని దక్కించుకునేందుకు ప్రయత్నిస్తున్నాడని తెలిపారు. రేవంత్కు వరుసకు బావ అయ్యే వ్యక్తి తక్కువ ధరకు దానిని కొట్టేసేందుకు కుట్రలు చేస్తున్నారని మండిపడ్డారు. దీనిని అడ్డుకోవాల్సిన బాధ్యత ప్రతి ఒక్కరిపై ఉందని చెప్పారు. బోథ్లో జరిగిన నూతన సర్పంచ్, ఉపసర్పంచ్, వార్డు మెంబర్ల సన్మాన సభకు కేటీఆర్ ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ కాటన్ కార్పొరేషన్ తరపున రైతుల నుంచి పత్తి కొనుగోలు చేయకపోయినా కాంగ్రెస్ ప్రభుత్వానికి పట్టింపు లేదని దుయ్యబట్టారు. చివరికి బీఆర్ఎస్ ఆందోళనలతో కొనుగోళ్లు జరిగాయని అన్నారు. అటకెక్కిన హామీలపై బీజేపీ ప్రశ్నించడంలేదు.. రాష్ట్రమంతా బీజేపీ, కాంగ్రెస్ రెండూ ఒక్కటైపోయాయని, దొంగ, చీకటి కలిసిపోయాయని కేటీఆర్ వ్యాఖ్యానించారు. ఆరు హామీలను అటకెక్కించినా బీజేపీ వాళ్లు ఒక్కరు కూడా ప్రశ్నించడంలేదన్నారు. ఎందుకంటే బీఆర్ఎస్ను లేకుండా చేయాలని వారు చూస్తున్నారని ఆరోపించారు. ఆ తరువాత ఒకరు కాకపోతే మరొకరు అధికారంలో ఉండవచ్చని భావిస్తున్నారని చెప్పారు. కానీ రాష్ట్రమంతా కేసీఆర్ తిరిగి రావాలని కోరుకుంటున్నారని పేర్కొన్నారు. ఇటీవల రేవంత్రెడ్డి ఆదిలాబాద్కు వచ్చినప్పుడు బీజేపీ ఎమ్మెల్యే అందరికంటే ఎక్కువ డబ్బా కొట్టిండని గుర్తు చేశారు. సిమెంట్ కంపెనీ అమ్ముతున్నందుకు ఆ డబ్బా కొట్టాడా అని ప్రశ్నించారు. సిమెంట్ కార్పొరేషన్ ఆఫ్ ఇండియా కంపెనీ తెరిపిస్తామని గతంలో ఎన్నికల సమయంలో అమిత్ షా హామీ ఇచ్చారని గుర్తు చేశారు. కానీ ఆ హామీ ఏమైందని అడిగే దమ్ము ఎమ్మెల్యేకు లేదని ఎద్దేవా చేశారు. ప్రజలకు సరైన సమయంలో రాని పైసలు ఢిల్లీకి మాత్రం సకాలంలో... రాష్ట్రంలో వివిధ సంక్షేమ పథకాల పైసలు ప్రజలకు సకాలంలో రాకపోయినా ఒక్కరికి మాత్రం సకాలంలో పైసలు పడిపోతున్నాయని కేటీఆర్ చెప్పారు. ఢిల్లీలోని పార్టీ పెద్దలకు మాత్రం డబ్బు సంచులు కరెక్ట్ టైమ్కు చేరుతున్నాయని ఆరోపించారు. లేనిపక్షంలో రేవంత్ సీటు ఊడుతుందని అన్నారు. ఇప్పటికీ 63 సార్లు ఢిల్లీకి పోయిండు, పోయినప్పుడల్లా నాలుగు బ్యాగులు పట్టుకుని పోయి అక్కడ ఇస్తున్నాడు, వస్తున్నాడు, కానీ ఇక్కడ మాత్రం చేసింది ఏమీ లేదని ఎద్దేవా చేశారు. తెల్లారి లేస్తే కేసీఆర్ ను తిట్టుడు, ఏం కేసులు పెట్టాలని చూడడం తప్ప చేసేదేమీ లేదని విమర్శించారు. గ్రామాలను తిరిగి బాగుచేసుకోవాలి రెండేళ్ల కాంగ్రెస్ పాలనలో పాడైపోయిన గ్రామాలను తిరిగి బాగుచేసుకోవాలని కేటీఆర్ సర్పంచ్లకు సూచించారు. కాంగ్రెస్ మంత్రులు, ఎమ్మెల్యేలు బెదిరిస్తున్నారని, ఎవరూ భయపడాల్సిన పనిలేదని ధైర్యం చెప్పారు. నూతన సర్పంచ్లకు ఎవ్వరూ మెహర్బానీ చేయాల్సిన అవసరం లేదన్నారు. అంబేద్కర్ రాసిన రాజ్యాంగం ప్రకారం పంచాయతీలకు నిధులు వస్తాయని పేర్కొన్నారు. ఇందిరమ్మ ఇళ్ల నుంచి ప్రతీది గ్రామ పంచాయతీలోనే తీర్మానం చేయాలని, జాబితా అక్కడే ఉంచాలని అన్నారు. సర్పంచ్లు గట్టిగా ఉంటే కేంద్ర, రాష్ట్ర ప్రభుత్వాలు సైతం ఏమీ చేయలేవని స్పష్టం చేశారు. బీఆర్ఎస్ హయాంలో అన్ని గ్రామాల్లో డంపింగ్ యార్డ్, వైకుంఠధామం, నర్సరీ, చెట్లు, ఇంటింటికీ నల్లా, ట్రాక్టర్, వాటర్ ట్యాంక్లు, పల్లె ప్రకృతి వనాలు నిర్మించామని గుర్తు చేశారు. కానీ నేడు కాంగ్రెస్ ప్రభుత్వంలో ట్యాంక్లలో నీళ్లు లేవు, ట్రాక్టర్లలో డీజిల్ లేదని మండిపడ్డారు. వీటన్నింటినీ బాగుచేసుకోవాల్సిన అవసరం ఉందని చెప్పారు. గతంలో కేంద్రప్రభుత్వం నుంచి 30 శాతం అవార్డులను తెలంగాణలోని పంచాయతీలు గెలుపొందాయని, ఇప్పుడు తిరిగి దానిని పునరావృతం చేయాలని పిలుపునిచ్చారు. దేశంలో ఏ నాయకుడూ చేయని పనులు కేసీఆర్ చేసి చూపించారు దేశంలో ఏ నాయకుడూ చేయని పనులు కేసీఆర్ పదేళ్ల పాలనలో చేసి చూపించారని కేటీఆర్ అన్నారు. రైతులకు 24 గంటల కరెంటు, రైతుబంధు, రైతు బీమా తదితర పథకాలను దేశంలో మొదటగా అమలు చేసింది కేసీఆర్ మాత్రమేనని చెప్పారు. రాష్ట్రంలో రైతుబంధు కేసీఆర్ పాలన పోయి రాబందు కాంగ్రెస్ పాలన వచ్చిందని ధ్వజమెత్తారు. కాంగ్రెస్ పాలనలో పత్తిరైతు చిత్తయిపోయిండని, సోయారైతును అడిగేటోడు లేడని ఆవేదన వ్యక్తం చేశారు. సోయాబీన్ కొనుగోళ్లను పరిశీలించేందుకు ఇటీవల తాము వస్తుంటే మార్కెట్ బంద్ పెట్టారని, సోయాబీన్ కొనుగోలు కేంద్రం పోయి చూస్తే అక్కడా అదే కష్టం ఉందని చెప్పారు. రాష్ట్రవ్యాప్తంగా రైతులు కేసీఆర్ను గుర్తు చేసుకుంటున్నారని చెప్పారు. కేసీఆర్పై ఏ రైతు కోపంతో లేడని, ఉంటే గింటే కింది స్థాయి నాయకులపై కోపం ఉండవచ్చని అభిప్రాయపడ్డారు. కరోనా టైంలో కూడా రైతు పండించిన పంట మొత్తాన్ని కొన్నారని పేర్కొన్నారు. తడిచినా, మొలకెత్తినా, రంగు మారినా చివరి ధాన్యం గింజ కూడా కొన్నామని చెప్పారు. ప్రజలు తిట్టే తిట్లకు రేవంత్ కాబట్టే బతికున్నడు.. ముఖ్యమంత్రి రేవంత్రెడ్డిని తాను తిట్టాలనుకుంటే నాలుగు భాషల్లో తిట్టగలనని, కానీ తాను తిట్టాల్సిన అవసరం లేదని కేటీఆర్ అన్నారు. ఎందుకంటే ఆయనను ప్రజలే తిడుతున్నారని చెప్పారు. ఎవరు ముందు మైక్ తీసుకుని పెట్టినా బూతులు తిడుతున్నారన్నారు. తెలుగు భాషలో ఇన్ని తిట్లు ఉంటాయని కూడా తెలియదని, అన్ని రకాల తిట్లు తిడుతున్నారని పేర్కొన్నారు. ఆ స్థానంలో ఇంకెవరైనా అయి ఉంటే బకెట్లో నీళ్లు చేదుకుని దుంకి చనిపోయేవారని వ్యాఖ్యానించారు. కానీ రేవంత్రెడ్డి కాబట్టే సిగ్గులేకుండా బతుకుతున్నడని ఎద్దేవా చేశారు.

KTR | సిమెంట్ కంపెనీని అమ్మేందుకు రాష్ట్ర ప్ర‌భుత్వం స‌హ‌క‌రిస్తోంది: కేటీఆర్‌

FOLLOW US

ట్యాగ్స్:

సంబంధిత వార్తలు

Thummala Nageswara Rao | కావాల్సినంత యూరియా ఉంది.. ఆందోళన వద్దు : మంత్రి తుమ్మల

Telangana Assembly | అసెంబ్లీలో బీఆర్ఎస్ ఎల్పీ ప్ర‌తిపాదిస్తున్న అంశాల జాబితా స్పీక‌ర్‌కు అంద‌జేత‌

Harish Rao | మంత్రి ఉత్త‌మ్‌కుమార్ రెడ్డివి ఉత్త మాట‌లు: మాజీ మంత్రి హ‌రీశ్‌రావు

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Train Travel Insurance | 35 పైస‌ల‌కే రూ.10 ల‌క్ష‌ల ఇన్సూరెన్స్‌.. రైళ్లలో ప్ర‌యాణం చేస్తే దీన్ని ఉప‌యోగించుకోండి..!

Krithi Shetty | కృతిశెట్టి గ్లామ‌ర్ ట్రీట్ - కారా వ్యాన్‌లో కిరాక్ ఫోజులు

Osmania University | తెలంగాణ ప్రతీపల్లె పద సాహిత్య మయం: ఎమ్మెల్సీ గోరేటి వెంక‌న్న‌

POPULAR LINKS

Highest Grossing Movie | అవ‌తార్ 3, జురాసిక్ పార్క్‌కు షాకిచ్చిన యానిమేష‌న్ మూవీ - 18 వేల కోట్ల క‌లెక్ష‌న్స్‌తో ర‌చ్చ‌

Bad Breath | మీ నోరు త‌ర‌చూ దుర్వాస‌న వ‌స్తుందా..? జాగ్ర‌త్త‌.. అది క్యాన్స‌ర్ కావ‌చ్చు..!