KTR | రేవంత్‌… నీ అల్లుడిది భీమ‌వ‌రం కాదా..?: కేటీఆర్‌

రైతుబంధు పోయి రాబందు పాలన వచ్చిందని ధ్వజం ఎక్కడికి పోయినా ఆవు కథ లెక్క కేసీఆర్ మీద ఏడుపే అని ఎద్దేవా త్రినేత్ర.న్యూస్: KTR | "ముఖ్యమంత్రి రేవంత్ రెడ్డీ... నీ అల్లుడిది భీమవరం కాదా" అని బీఆర్ఎస్ (BRS) కార్యనిర్వాహక అధ్యక్షుడు కేటీఆర్ (KTR) ప్రశ్నించారు. తాను గుంటూరులో చదివిందే ఆయనకు నొప్పైతే ఆయన చేసిందేందని మండిపడ్డారు. రేవంత్ రెడ్డి (Revanth Reddy)కి భీమవరం బుల్లెబ్బాయ్ పేరు సరిపోతుందని ఎద్దేవా చేశారు. రాష్ట్రంలో రైతుబంధు పాలన పోయి రాబందు పాలన వచ్చిందని, యూరియా కోసం క్యూలైన్లలో ఎదురుచూడడమే దీనికి నిదర్శనమని ధ్వజమెత్తారు. నాగర్ కర్నూల్లో జరిగిన నూతన సర్పంచుల ఆత్మీయ సమావేశ సభలో కేటీఆర్ కాంగ్రెస్ (Congress) ప్రభుత్వం, ముఖ్యమంత్రి రేవంత్ రెడ్డిపై తీవ్రస్థాయిలో ధ్వజమెత్తారు. పాలమూరు జిల్లాను మళ్లీ వలసల జిల్లాగా మార్చిన ఘనత రేవంత్ రెడ్డికే దక్కుతుందని ఆయన దుయ్యబట్టారు. పాలమూరు–రంగారెడ్డి ప్రాజెక్టును పండబెట్టింది కాంగ్రెస్సేనని విమర్శించారు. పాలమూరు నీళ్ల కోసం కేసీఆర్ (KCR) పోరాటానికి సిద్ధమని చెప్పారు. బంగారం లాంటి తెలంగాణను రేవంత్ ప్రభుత్వం దోచుకుంటోందని ఆరోపించారు. రెండేళ్లలో తట్టెడు మట్టి తీయకుండా నికృష్టపు మాటలు... కేసీఆర్ పాలమూరు జిల్లాను సస్యశ్యామలం చేశారని, కానీ కాంగ్రెస్ ప్రభుత్వం రెండేళ్లలో 10 శాతం పనులు కూడా పూర్తి చేయలేకపోయిందని కేటీఆర్ విమర్శించారు. తట్టెడు మట్టి కూడ తీయకుండా నికృష్టపు మాటలు మాట్లాడుతున్నారని మండిపడ్డారు. ప్రాజెక్టులను పండబెట్టి పాలమూరు జిల్లాను ఎండబెట్టారని దుయ్యబట్టారు. కేసీఆర్ ప్రభుత్వంలో పాలమూరు ప్రాజెక్టు 90 శాతం పూర్తి చేశామని గుర్తుచేశారు. పిలిచిన టెండర్లను రద్దు చేసి ప్రాజెక్టును పట్టించుకోవడం లేదని ఆవేదన వ్యక్తం చేశారు. పాలమూరు రంగారెడ్డి ప్రాజెక్టు నీటి కేటాయింపుల్లో కాంగ్రెస్ ప్రభుత్వం, ముఖ్యమంత్రి రేవంత్ రెడ్డి రాజీ పడుతున్నారని అనుమానం వ్యక్తం చేశారు. పాలమూరు రంగారెడ్డి ప్రాజెక్టును కాపాడుకొని రైతన్నలకు అండగా నిలబడేందుకు, తెలంగాణ నీటి వాటాల ప్రయోజనాలను కాపాడేందుకు కేసీఆర్ మరోసారి పోరాటానికి సిద్ధమయ్యారని తెలిపారు. త్వరలోనే పాలమూరుకు కేసీఆర్ రాబోతున్నారని, ఆయన చేయబోయే ఈ పోరాటానికి పాలమూరు బిడ్డలంతా అండగా నిలబడాలని విజ్ఞప్తి చేశారు. కమిషన్లపై ఉన్న ప్రేమ రైతులపై లేదు రేవంత్ రెడ్డికి కమిషన్ల మీద ఉన్న ప్రేమ రైతుల మీద లేదని కేటీఆర్ ఘాటుగా విమర్శించారు. ఇవాళ ఎందుకు పెద్దఎత్తున ప్రజలు కేసీఆర్ను కోరుకుంటున్నారో ఆలోచించాలని హితవు పలికారు. రైతులు యూరియా బస్తాల కోసం కాళ్ల మీద పడి గోస పడుతున్నారని వాపోయారు. చలిలో చెప్పులు క్యూలైన్లో పెట్టి నిలబడాల్సిన పరిస్థితి వచ్చిందని ఆవేదన వ్యక్తం చేశారు. రేవంత్కు రైతుల పట్ల ప్రేమ లేదని, కేసీఆర్ ఉన్నప్పుడు యూరియా ఎన్ని బస్తాలు కావాలంటే అన్ని ఇచ్చామని గుర్తు చేశారు. రేవంత్ ఎక్కడికి పోయినా ఆవు కథ లెక్క కేసీఆర్ మీద ఏడుపే కనిపిస్తుందని అన్నారు. రేవంత్ ఫ్రస్ట్రేషన్ చూస్తుంటే రేపోమాపో కరుస్తాడేమో అని ఎద్దేవా చేశారు. రేవంత్కు దమ్ముంటే యూరియా బస్తాలు దొరికేలా చేస్తా, రూ. 4000 పెన్షన్ ఇస్తా అని శపథం చేయాలని సవాల్ విసిరారు. హామీల అమలును ప్రశ్నిస్తే బూతులు అలవిగాని, అడ్డగోలు హామీలు ఇచ్చి అధికారంలోకి వచ్చి, ఇప్పుడు అందరినీ మోసం చేస్తున్నారని కేటీఆర్ మండిపడ్డారు. కేసీఆర్ కంటే అన్ని ఎక్కువిస్తామని ఆశ పెట్టారని, హామీల అమలు ఏమైందని నిలదీస్తే రేవంత్ రెడ్డి బూతులు మాట్లాడుతున్నారని విమర్శించారు. రెండేళ్లు పూర్తైనా పథకాల గురించి అడిగితే రేవంత్ బూతులు మాట్లాడుతున్నాడని, మహాలక్ష్మి పథకం ఏమైందంటే గుడ్లు పీకి గోటీలాడతానంటున్నాడని తీవ్ర వ్యాఖ్యలు చేశారు. రెండేళ్లలో రేవంత్ గురించి ప్రజలకు అన్నీ అర్థమయ్యాయని అన్నారు. కేసీఆర్ గ్రామాలను ఎంతో అభివృద్ధి చేశారని, వైకుంఠదామాలు కట్టామని, డంప్ యార్డ్లు కట్టామని చెప్పారు. దేశంలోనే ఉత్తమ పంచాయతీ అవార్డులు 30 శాతం మనకే వచ్చేవని గుర్తు చేశారు. ప్రతి గ్రామాన్ని దేశానికే ఆదర్శవంతంగా తీర్చిదిద్దింది కేసీఆర్ అని కొనియాడారు. కాంగ్రెస్ ప్రభుత్వం వచ్చాక అభివృద్ధి పడకేసిందని, రేవంత్ పాలనలో ట్రాక్టర్లలో డీజిల్ లేదని, వీధిలైట్లు లేవని విమర్శించారు. కేసీఆర్ను ముఖ్యమంత్రిని చేయడమే లక్ష్యంగా ముందుకు.. సర్పంచ్ ఎన్నికల్లో వంగబెట్టి గుద్దితే రేవంత్కు సోయొచ్చిందని కేటీఆర్ విమర్శించారు. ప్రతి ఎన్నికలో కాంగ్రెస్ను ఓడిస్తేనే వాళ్లకు బుద్ధి వస్తుందని, జిల్లా పరిషత్, మున్సిపల్ ఎన్నికలు సెమీ ఫైనల్ కాగా, అసెంబ్లీ ఎన్నికలు ఫైనల్ అని తెలిపారు. కేసీఆర్ను ముఖ్యమంత్రిని చేయడమే మన లక్ష్యమని, అభ్యర్థి ఎవరైనా కారు గుర్తు మీద మాత్రమే ఓటు వేయాలని పిలుపునిచ్చారు. నూతనంగా గెలిచిన సర్పంచులకు శుభాకాంక్షలు తెలిపారు. భారీ ఎత్తున బీఆర్ఎస్ సర్పంచులు గెలవడం శుభదాయకమని అన్నారు. గెలిచిన సర్పంచులు, వార్డు మెంబర్లు భయపడొద్దని, అధికార పార్టీ ఎమ్మెల్యేలు మిమ్మల్ని ఏం చేయలేరని ధైర్యం చెప్పారు. దేశంలో మీకు రక్షణగా ఉండేది అంబేద్కర్ రాసిన రాజ్యాంగమని, కాంగ్రెస్ ఎమ్మెల్యేల బెదిరింపులు మిమ్మల్ని ఏం చేయలేవని స్పష్టం చేశారు. రాష్ట్రానికి ముఖ్యమంత్రి ఎట్లనో, గ్రామానికి సర్పంచ్ అట్లనేనని అన్నారు. ఫైనాన్స్ కమిషన్ నిధులు సీదా గ్రామ పంచాయతీలకు వస్తాయని చెప్పారు కాంగ్రెస్ ఎక్కడ ఉంటదో అక్కడ ప్రోగ్రెస్ ఉండదు ఎక్కడ కాంగ్రెస్ ఉంటదో అక్కడ ప్రోగ్రెస్ ఉండదని మరోసారి ఉద్ఘాటించారు. ఇంకా రెండున్నరేళ్లే కాంగ్రెస్ ఉందని, ఆ తరువాత బీఆర్ఎస్ వస్తుందని ధీమా వ్యక్తం చేశారు. కేసీఆర్ ప్రభుత్వం వస్తేనే పల్లెలు మళ్లీ పచ్చబడుతాయని, లక్ష్మీ కళ వస్తుందని అన్నారు. బంగారంలాంటి రాష్ట్రాన్ని రేవంత్ రెడ్డి నాశనం చేస్తున్నాడని ఆరోపించారు. పది సంవత్సరాల బీఆర్ఎస్ ప్రభుత్వం చేపట్టిన అద్భుతమైన కార్యక్రమాలు, పరిపాలన వలన రాష్ట్ర రాజధాని హైదరాబాద్లో ఎకరం రూ. 150 కోట్లకు చేరిందని, ఆ భూములపై రేవంత్ కన్ను పడిందని ఆరోపించారు. హైదరాబాద్లో 9,300 ఎకరాలపై రేవంత్ కన్ను పడిందన్నారు. ప్రభుత్వాలు పరిశ్రమలకు భూములు ఇస్తాయని, రాష్ట్రానికి మంచి జరుగుతుందనే ఉద్దేశ్యంతో తక్కువ ధరకు భూములు ఇస్తామని చెప్పారు. పరిశ్రమల కోసం ఇచ్చిన భూముల్లో ఏదైనా కట్టుకోవచ్చంటున్నడని విమర్శించారు. రూపాయికి 30 పైసలు కడితే ఏదైనా కట్టుకోవచ్చా? అని ప్రశ్నించారు. రూ. 5 లక్షల కోట్లు కొల్లగొట్టేందుకు రేవంత్ హిల్ట్ పాలసీ తెచ్చిండని ఆరోపించారు. లగచర్లలో గిరిజనుల భూములు గుంజుకుంటుంటే అడ్డుకున్నది మన పార్టీ అని గుర్తు చేశారు. రాష్ట్రంలో కాంగ్రెస్ బిజెపి కలిసిపోయాయి రేవంత్ రెడ్డి ఎంత దోపిడీ చేసినా బీజేపీ మాట్లాడదని కేటీఆర్ వ్యాఖ్యానించారు. బీజేపీ పార్టీ కాంగ్రెస్ని విమర్శించదని, కాంగ్రెస్ పార్టీ నేతలు బీజేపీని విమర్శించరని తీవ్ర ఆరోపణలు చేశారు. దొంగ, చీకటి కలిసిపోయి దోపిడీ చేసినట్లు కాంగ్రెస్, బీజేపీలు తెలంగాణలో కలిసిపోయాయని విమర్శించారు. అందుకే రెండు సంవత్సరాల కాలంలో కాంగ్రెస్ ప్రభుత్వ హామీల అమలు వైఫల్యం, మోసాన్ని బీజేపీ ఎప్పుడూ ప్రశ్నించలేదని గుర్తు చేశారు. మరోవైపు ముఖ్యమంత్రి రేవంత్ రెడ్డి కూడా బీజేపీని విమర్శించకుండా కేవలం బీఆర్ఎస్ను మాత్రమే విమర్శిస్తున్నారని అన్నారు. ఇద్దరూ కలిసి రాష్ట్రాన్ని దోపిడీ చేసేందుకు ప్రయత్నిస్తున్నారని అనుమానం వ్యక్తం చేశారు.

KTR | రేవంత్‌… నీ అల్లుడిది భీమ‌వ‌రం కాదా..?: కేటీఆర్‌

FOLLOW US

ట్యాగ్స్:

సంబంధిత వార్తలు

Thummala Nageswara Rao | కావాల్సినంత యూరియా ఉంది.. ఆందోళన వద్దు : మంత్రి తుమ్మల

Telangana Assembly | అసెంబ్లీలో బీఆర్ఎస్ ఎల్పీ ప్ర‌తిపాదిస్తున్న అంశాల జాబితా స్పీక‌ర్‌కు అంద‌జేత‌

Harish Rao | మంత్రి ఉత్త‌మ్‌కుమార్ రెడ్డివి ఉత్త మాట‌లు: మాజీ మంత్రి హ‌రీశ్‌రావు

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Train Travel Insurance | 35 పైస‌ల‌కే రూ.10 ల‌క్ష‌ల ఇన్సూరెన్స్‌.. రైళ్లలో ప్ర‌యాణం చేస్తే దీన్ని ఉప‌యోగించుకోండి..!

Krithi Shetty | కృతిశెట్టి గ్లామ‌ర్ ట్రీట్ - కారా వ్యాన్‌లో కిరాక్ ఫోజులు

Osmania University | తెలంగాణ ప్రతీపల్లె పద సాహిత్య మయం: ఎమ్మెల్సీ గోరేటి వెంక‌న్న‌

POPULAR LINKS

Highest Grossing Movie | అవ‌తార్ 3, జురాసిక్ పార్క్‌కు షాకిచ్చిన యానిమేష‌న్ మూవీ - 18 వేల కోట్ల క‌లెక్ష‌న్స్‌తో ర‌చ్చ‌

Bad Breath | మీ నోరు త‌ర‌చూ దుర్వాస‌న వ‌స్తుందా..? జాగ్ర‌త్త‌.. అది క్యాన్స‌ర్ కావ‌చ్చు..!