Pakistan | ఇమ్రాన్ ఖాన్‌కు 17 ఏళ్ల జైలుశిక్ష‌

Pakistan | పాకిస్థాన్ (Pakistan) మాజీ ప్రధాని ఇమ్రాన్ఖాన్ (Imran Khan) కు తోషఖానా (Toshakhana) అవినీతి కేసులో 17 ఏళ్ల జైలుశిక్ష (Imprisonment) పడింది. ఈ మేరకు ఆయనతో పాటు ఆయన భార్య బుష్రా బీబీ (Bushra Bibi) కి సైతం ఇదే శిక్ష విధిస్తూ న్యాయస్థానం తీర్పు వెలువరిచింది. ఇమ్రాన్ ఖాన్ ఇప్పటికే పలు అవినీతి కేసుల్లో శిక్ష పడి రావల్పిండిలోని అడియాలా జైలులో శిక్ష అనుభవిస్తున్న సంగతి తెలిసిందే. తాజాగా తోషఖానా అవినీతి కేసులో జైలు శిక్షతో పాటు ఒక్కొక్కరికి 1.64 కోట్ల పాకిస్థాన్ రూపాయల జరిమానా కూడా విధించారు. తీర్పుపై తాము హైకోర్టులో అప్పీల్ చేస్తామని ఇమ్రాన్ తరపు న్యాయవాదులు తెలిపారు. అసలేమిటీ తోషఖానా అవినీతి కేసు... సాధారణంగా పాకిస్థాన్లో ప్రభుత్వ పెద్దలకు అధికారికంగా వచ్చే బహుమతులను ప్రభుత్వానికి సంబంధించిన ఆస్తిగానే పరిగణిస్తారు. ఈ బహుమతులను నిర్వహించే సంస్థ పేరు తోషఖానా. కాగా 2021లో సౌదీలో పర్యటించిన అప్పటి పాక్ ప్రధాని ఇమ్రాన్ ఖాన్ దంపతులకు ఆ దేశ యువరాజు ఖరీదైన ఆభరణాలను, ఇతర విలువైన వస్తువులను బహుమతులుగా అందజేశారు. వాటిని తోషఖానాకు అప్పగించకుండా స్వీయ ప్రయోజనాల కోసం వాటిని విక్రయించారనే ఆరోపణలపై ఈ కేసు నమోదైంది. దాంతో పాటు ఆ వస్తువులను అక్రమంగా విక్రయించడం, విలువ తగ్గించడం, ప్రభుత్వ నిబంధనలు ఉల్లంఘించడం వంటి ఆరోపణలను సైతం ఆ కేసులో చేర్చారు. తీర్పును తప్పుపడుతున్న ప్రతిపక్షాలు పాక్ న్యాయస్థానం తీర్పుతో అక్కడ తీవ్ర ఉద్రిక్త పరిస్థితులు తలెత్తాయి. ఇమ్రాన్ఖాన్కు చెందిన పీటీఐ నేతలు, కార్యకర్తలు తీర్పుపై ఆగ్రహం వ్యక్తం చేస్తూ, ఆందోళనకు దిగారు. ఇతర ప్రతిపక్షాలు సైతం తీర్పును తీవ్రంగా తప్పుపడుతున్నాయి. ఇది కేవలం రాజకీయ కక్షతో నమోదు చేసిన కేసుగా అభివర్ణిస్తున్నాయి.

Pakistan | ఇమ్రాన్ ఖాన్‌కు 17 ఏళ్ల జైలుశిక్ష‌

FOLLOW US

ట్యాగ్స్:

సంబంధిత వార్తలు

U-19 Asia Cup IND Vs PAK | అండ‌ర్ 19 ఆసియా క‌ప్ ఫైన‌ల్‌.. చిత్తుగా ఓడిన టీమిండియా..

IND Vs PAK U-19 | అండ‌ర్-19 ఆసియా క‌ప్ వ‌న్డే మ్యాచ్‌.. పాకిస్థాన్‌పై భార‌త్ ఘ‌న విజ‌యం..

పాక్‌లో లష్కర్, జైష్ ఉగ్రవాదుల సీక్రెట్ మీటింగ్

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Train Travel Insurance | 35 పైస‌ల‌కే రూ.10 ల‌క్ష‌ల ఇన్సూరెన్స్‌.. రైళ్లలో ప్ర‌యాణం చేస్తే దీన్ని ఉప‌యోగించుకోండి..!

Krithi Shetty | కృతిశెట్టి గ్లామ‌ర్ ట్రీట్ - కారా వ్యాన్‌లో కిరాక్ ఫోజులు

Osmania University | తెలంగాణ ప్రతీపల్లె పద సాహిత్య మయం: ఎమ్మెల్సీ గోరేటి వెంక‌న్న‌

POPULAR LINKS

Highest Grossing Movie | అవ‌తార్ 3, జురాసిక్ పార్క్‌కు షాకిచ్చిన యానిమేష‌న్ మూవీ - 18 వేల కోట్ల క‌లెక్ష‌న్స్‌తో ర‌చ్చ‌

Bad Breath | మీ నోరు త‌ర‌చూ దుర్వాస‌న వ‌స్తుందా..? జాగ్ర‌త్త‌.. అది క్యాన్స‌ర్ కావ‌చ్చు..!