Indian Stock Markets | భార‌త స్టాక్ మార్కెట్ల‌లో నెల‌కొన్న అనిశ్చితి.. ప‌రిస్థితిలో మార్పు వ‌చ్చేనా..?

Indian Stock Markets | భారత స్టాక్ మార్కెట్లు గత కొంత కాలంగా మంద గమనంలో ఉన్నాయి. నిఫ్టీ ఆల్ టైమ్ హైకి దగ్గరలో ఉంది కానీ అక్కడి నుంచి ముందుకు కదలడం లేదు. మరోవైపు ఎఫ్ఐఐ లు సైతం పెట్టుబడులపై నిరాకస్తతగా ఉన్నట్లు మార్కెట్ల పరిస్థితిని చూస్తే అర్థమవుతుంది. ఈ క్రమంలోనే ఒక అడుగు ముందుకు రెండు అడుగులు వెనక్కి అన్నట్లుగా స్టాక్ మార్కెట్ల పరిస్థితి తయారైంది. ఇక ఇవాళ కూడా స్టాక్ మార్కెట్లలో పతనం కొనసాగింది. సెన్సెక్స్ సుమారుగా 500 పాయింట్లకు పైగా పతనం అవగా, నిఫ్టీ 167 పాయింట్లు పతనం అయింది. ఈ క్రమంలో ఇవాళ ఒక్కరోజే రూ.4 లక్షల కోట్ల మదుపర్ల సంపద ఆవిరైంది. గత కొంత కాలంగా దేశీయ మార్కెట్లపై తీవ్రమైన ఒత్తిడి కొనసాగుతోంది. ఈ క్రమంలోనే మార్కెట్ ముందుకు సాగకపోతే ఎలా అనే ఆందోళన ఇన్వెసర్లలో నెలకొంది. డాలర్ విలువ.. అమెరికాలో ఫెడరల్ రిజర్వ్ వడ్డీ రేట్ల తగ్గింపుపై సందిగ్ధత నెలకొన్న విషయం విదితమే. దీని వల్ల ప్రపంచ మార్కెట్లు సైతం ఆందోళన చెందుతున్నాయి. దీని ప్రభావం మన మార్కెట్లపై కూడా పడుతోంది. అలాగే అమెరికా కరెన్సీ డాలర్తో పోలిస్తే భారత రూపాయి విలువ రోజు రోజుకీ పడిపోతుండడం కూడా ఇన్వెస్టర్లలో ఆందోళనను పెంచుతోంది. డాలర్తో పోలిస్తే మన రూపాయి విలువ ప్రస్తుతం 90గా కొనసాగుతోంది. ఇది ఆల్ టైమ్ హైగా ఉన్న నేపథ్యంలో ఈ విలువ కొద్ది రోజుల్లోనే 100ను తాకుతుందని కూడా మార్కెట్ నిపుణులు అంచనా వేస్తున్నారు. దీని వల్ల కూడా మార్కెట్ సెంటిమెంట్ దెబ్బ తింటోంది. మార్కెట్లు మందగమనంలో ఉండేందుకు కరెన్సీ విలువ పడిపోతుండడం కూడా ఒక కారణంగా చెప్పవచ్చు. ఎఫ్ఐఐలు.. గత ఏడాది కాలంగా ఎఫ్ఐఐలు (విదేశీ సంస్థాగత పెట్టుబడిదారులు) తమ పెట్టుబడులను మన మార్కెట్ల నుంచి ఉపసంహరించుకుంటున్నారు. మధ్యలో అడపా దడపా ఒకటి రెండు సార్లు పెట్టుబడి పెట్టారు తప్ప ఏడాదిలో చాలా వరకు అమ్మకాలే సాగించారు. దీని వల్ల కూడా మార్కెట్లు తిరోగమనం దిశలో ఉన్నాయి. ఇక భారత్పై అమెరికా విధించిన 50 శాతం టారిఫ్పై కూడా స్పష్టత రావడం లేదు. అమెరికా ఈ టారిఫ్ను రద్దు చేస్తుందని భావిస్తున్నారు. కానీ ఈ విషయంపై సందిగ్ధత నెలకొంది. దీని వల్ల కూడా ఎఫ్ఐఐలు మన మార్కెట్ల నుంచి నిష్క్రమిస్తున్నారు. ఇది కూడా దేశీయ ఇన్వెస్టర్లలో ఆందోళన కలిగిస్తోంది. అలాగే మార్కెట్లలో ప్రధాన భాగం వాటాలను కలిగి ఉన్న హెచ్డీఎఫ్సీ బ్యాంకు, ఐసీఐసీఐ బ్యాంకు వంటి బ్యాంకుల షేర్లు పడిపోతుండడం, ఐటీ రంగంపై నెలకొన్న ఒత్తిడి, ఉద్యోగుల తొలగింపు, పెరుగుతున్న ముడి చమురు ధరలు వంటి అంశాలు కూడా మార్కెట్పై ప్రభావం చూపిస్తున్నాయి. దీని వల్ల నిఫ్టీ ఆల్టైమ్ హై నుంచి ముందుకు కదలడం లేదు. అలాగే ఇతర సూచీలు కూడా దాదాపుగా ఇలాంటి దశలోనే ఉన్నాయి. అయితే రానున్న నూతన సంవత్సరంలో మార్కెట్ పుంజుకుంటుందని నిపుణులు ఆశాభావం వ్యక్తం చేస్తున్నారు.

Indian Stock Markets | భార‌త స్టాక్ మార్కెట్ల‌లో నెల‌కొన్న అనిశ్చితి.. ప‌రిస్థితిలో మార్పు వ‌చ్చేనా..?

FOLLOW US

ట్యాగ్స్:

సంబంధిత వార్తలు

Indian Stock Markets | క్రాష్ అవుతున్న భారత స్టాక్ మార్కెట్లు.. శుక్రవారం గ్యాప్ డౌన్‌తో ఓపెన్

IPOs In 2026 | ఐపీవోల‌లో పెట్టుబ‌డి పెడుతున్నారా..? అయితే 2026లో పండగే..!

Stock Market | క్రిస్‌మస్ ఎఫెక్టేనా? స్తబ్దుగా భారత స్టాక్ మార్కెట్లు

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Gig Workers Flash Strike | నేడే గిగ్ వ‌ర్క‌ర్ల దేశ‌వ్యాప్త మెరుపు స‌మ్మె.. ప్ర‌భావం ఎలా ఉండబోతుంది..?

Leo Horoscope | 2026లో సింహ రాశి వారికి అష్ట‌మ శ‌నితో పోరాటం..! చేయాల్సిన ప‌రిహారాలు ఇవే..!!

Damien Martyn | అత్యంత విష‌మంగా ఆస్ట్రేలియ‌న్ మాజీ క్రికెట‌ర్ ఆరోగ్యం.. ఐసీయూలో చికిత్స‌..

POPULAR LINKS

Horoscope | డిసెంబ‌ర్ 31 రాశిఫ‌లాలు.. ఈ రాశి వారికి ఊహించ‌ని ఖ‌ర్చులు..!

Jio Small Data Packs | జియోలో రూ.30 లోపు ల‌భిస్తున్న ప్లాన్లు ఇవే.. వీటితో ఏమేం బెనిఫిట్స్ వ‌స్తాయంటే..?