BlueBird Block-2 Satellite Launch : ఇక కొండాకోనల్లోనూ ఫోన్‌లో ఫుల్ సిగ్నల్! ఇస్రో ‘బాహుబలి స్పెషాలిటీ అదే

అంతరిక్షంలో ఇస్రో అద్భుతం బాహుబలి మోసుకెళ్లిన అతిపెద్ద ఉపగ్రహం చరిత్ర సృష్టించిన LVM3 రాకెట్ మొబైల్ టవర్లు లేకున్నా మీ ఫోన్లో ఫుల్ సిగ్నల్ 6100 కిలోల భారీ ఉపగ్రహం సక్సెస్ BlueBird Block-2 Satellite Launch : భారత అంతరిక్ష పరిశోధనా సంస్థ(ఇస్రో)- ISRO మరో మైలురాయికి చేరుకుంది. మరో అద్భుతాన్ని ఆవిష్కరించింది. ఇస్రోలోనే అత్యంత శక్తివంతమైన బాహుబలి రాకెట్ LVM3-M6 ద్వారా అత్యంత బరువైన శాటిలైట్ని విజయవంతంగా కక్ష్యలోకి ప్రవేశపెట్టింది. యూఎస్కి చెందిన AST స్పేస్ మొబైల్ సంస్థ తయారు చేసిన BlueBird 6 ఉపగ్రహాన్ని మోసుకుంటూ బుధవారం ఉదయం శ్రీహరికోట నుంచి నింగిలోకి దూసుకెళ్లింది. ఏమిటీ బ్లూబర్డ్ – 6? దీని వల్ల సామాన్యులకు కలిగే లాభాలు ఏంటి? ఈ ప్రయోగం వెనుక ఉన్న ఉద్దేశం ఏంటంటే.. సామాన్యులకు కూడా ఇంటర్నెట్ సేవలను నేరుగా అందించడమే. అంటే.. శాటిలైట్ ఫోన్ల కోసం శాటిలైట్ ఇంటర్నెట్ కోసం యాంటెన్నాల మీద మనం ఇప్పటి వరకు ఆధారపడుతూ వస్తున్నాం. లేదంటే శాటిలైట్ నుంచి సిగ్నల్స్ రావడానికి కొన్ని టవర్స్ ఉపయోగిస్తున్నాం. కానీ.. బ్లూబర్డ్ శాటిలైట్ వల్ల ఎలాంటి అదనపు పరికరాల అవసరం లేకుండానే, స్మార్ట్ఫోన్కి నేరుగా బ్రాడ్ బ్యాండ్ ఇంటర్నెట్ను అందిస్తుంది. BlueBird Block-2 Satellite Launch : నో డెడ్ జోన్స్ మారు మూల ప్రాంతాలకు వెళ్లినప్పుడు అక్కడ ఫోన్లో సిగ్నల్స్ లేక ఇబ్బందులు పడుతుంటారు. ఈ శాటిలైట్ ద్వారా ఇక అలాంటి సమస్య ఉండదు. ఆ శాటిలైట్ నుంచి నేరుగా మొబైల్కి సిగ్నల్ వస్తుంది. ఇక మొబైల్ టవర్స్ అవసరమే ఉండదు. 4జీ, 5జీ, ఇంటర్నెట్ కాల్స్, వీడియో స్ట్రీమింగ్, నిరంతర డేటా సేవలను ఈ శాటిలైట్ ద్వారా నేరుగా పొందొచ్చు. అత్యాధునిక సాంకేతికత యూఎస్కి చెందిన AST స్పేస్ మొబైల్ సంస్థ ఈ శాటిలైట్ని రూపొందించింది. ప్రపంచవ్యాప్తంగా కనెక్టివిటీ లేని ప్రాంతాలను అనుసంధానించడమే ఈ శాటిలైట్ ప్రధాన లక్ష్యం. ప్రపంచంలోనే తొలిసారి స్పేస్ ఆధారిత సెల్యులార్ బ్రాడ్ బ్యాండ్ కనెక్టివిటీని సామాన్యులకు అందుబాటులోకి తెచ్చేందుకే ఈ నెక్స్ట్ జనరేషన్ శాటిలైట్ని యూఎస్ తయారు చేసింది. అత్యంత బరువైన మిషన్ ఇదే ఇప్పటి వరకు మన భారతదేశం నుంచి ప్రయోగించిన ఉపగ్రహాలన్నింటిలోనూ ఇదే అత్యంత బరువైన శాటిలైట్. దీని బరువు సుమారు 6100 కిలోలు. ఇంత బరువున్న ఉపగ్రహాన్ని ఇస్రో తన బాహుబలి రాకెట్ ద్వారా 520 కిలోమీటర్ల ఎత్తులో ఉన్న కక్ష్యలోకి అత్యంత ఖచ్చితత్వంతో ప్రవేశపెట్టి సరికొత్త రికార్డు సృష్టించింది. గతంలో ఈ రికార్డు 4400 కిలోల బరువు ఉన్న CMS-03 శాటిలైట్ పేరు మీద ఉండేది. స్పేస్ టవర్ ఇది ఆకాశంలో ఒక స్పేస్ టవర్గా పని చేస్తుంది. ప్రపంచంలోనే అతిపెద్ద కమ్యూనికేషన్ యాంటెన్నాగా ఈ బ్లూబర్డ్ ఉపగ్రహం పనిచేయనుంది. ఎందుకంటే అంతరిక్షంలో ఇది విచ్చుకున్నప్పుడు దీని వైశాల్యం 223 చదరపు మీటర్లుగా ఉంటుంది. ఇంత భారీ యాంటెన్నా కలిగిన ఏ కమ్యూనికేషన్ ఉపగ్రహం ఇప్పటి వరకు లో ఎర్త్ ఆర్బిట్లో లేదు. అందుకే దీన్ని స్పేస్ టవర్గా పిలుస్తున్నారు. 90 సెకన్ల విరామం ఈ రాకెట్ లాంచ్ విషయంలో ఇస్రో శాస్త్రవేత్తలు ఓ కీలక నిర్ణయం తీసుకున్నారు. దానివల్లనే ఈ ఉపగ్రహం అత్యంత ఖచ్చితత్వంతో కక్ష్యలోకి ప్రవేశపెట్టబడింది. ముందుగా నిర్ణయించిన సమయం ఉదయం 8.54 కంటే సరిగ్గా 90 సెకన్లు ఆలస్యంగా రాకెట్ని ప్రయోగించారు. అంతరిక్షంలో ఇతర ఉపగ్రహాలు, వాటి శకలాలు ఈ రాకెట్ వెళ్లే దారిలో అడ్డుగా వచ్చే ప్రమాదం ఉందని ముందే పసిగట్టిన శాస్త్రవేత్తలు ఈ రాకెట్కి కొలిజన్ కాకుండా ఉండాలని 90 సెకన్ల తర్వాత రాకెట్ని నింగిలోకి పంపించారు. వరుసగా తొమ్మిదో విజయం LVM3 రాకెట్కి ఇది వరుసగా తొమ్మిదో విజయం. చంద్రయాన్ – 2, చంద్రయాన్ – 3 లాంటి చరిత్రాత్మక మిషన్లను సక్సెస్ఫుల్గా లాంచ్ చేసిన LVM3 రాకెట్, ఇప్పుడు మరో కమర్షియల్ మిషన్ను పూర్తి చేసి అంతర్జాతీయ స్పేస్ మార్కెట్లో తన సత్తా చాటింది. కేవలం 52 రోజుల వ్యవధిలోనే రెండు భారీ LVM3 ప్రయోగాలను నిర్వహించడం అంటే ఇస్రో సత్తా ఏంటో మరోసారి నిరూపితం అయింది. ఇస్రో చైర్మన్ హర్షం ఎల్వీఎం3 రాకెట్ తన అద్భుతమైన పనితీరును మరోసారి నిరూపించుకుందని ఇస్రో చైర్మన్ వి.నారాయణన్ హర్షం వ్యక్తం చేశారు. ప్రపంచవ్యాప్తంగా ఉన్న లాంచ్ వెహికిల్స్లో ఇది అత్యుత్తమమైనదిగా నిలిచిందన్నారు. ఇస్రో కమర్షియల్ డిపార్ట్మెంట్ న్యూస్పేస్ ఇండియా లిమిటెడ్(NSIL), యూఎస్కి చెందిన AST స్పేస్ మొబైల్ మధ్య కుదిరిన ఒప్పందంలో భాగంగానే ఈ ప్రయోగం జరిగిందన్నారు. భారత్ సరికొత్త శిఖరాలను అధిరోహిస్తోంది : ప్రధాని మోదీ ఎల్వీఎం3 రాకెట్ విజయంపై భారత ప్రధాని మోదీ హర్షం వ్యక్తం చేశారు. భారత అంతరిక్ష రంగంలో ఇది ఒక గొప్ప ముందడుగు. భారత గడ్డపై నుంచి ప్రయోగించిన అత్యంత బరువైన ఉపగ్రహాన్ని విజయవంతంగా నింగిలోకి చేర్చడం గర్వించదగ్గ విషయం అన్నారు. అంతర్జాతీయ వాణిజ్య మార్కెట్లో భారత్ పాత్రను ఇది మరింత బలోపేతం చేస్తుందని ఎక్స్ వేదికగా మోదీ కొనియాడారు. A significant stride in India’s space sector… The successful LVM3-M6 launch, placing the heaviest satellite ever launched from Indian soil, the spacecraft of USA, BlueBird Block-2, into its intended orbit, marks a proud milestone in India’s space journey. It strengthens… pic.twitter.com/AH6aJAyOhi — Narendra Modi (@narendramodi) December 24, 2025 VIDEO | Sriharikota, Andhra Pradesh: On the successful launch of LVM3-M6 carrying BlueBird Block-2, ISRO chairman V Narayanan says, "I am extremely happy to announce that LVM3-M6 launch vehicle has successfully and precisely injected BlueBird Block-2 communication satellite in… pic.twitter.com/bZU8eeYtAv — Press Trust of India (@PTI_News) December 24, 2025

BlueBird Block-2 Satellite Launch : ఇక కొండాకోనల్లోనూ ఫోన్‌లో ఫుల్ సిగ్నల్! ఇస్రో ‘బాహుబలి స్పెషాలిటీ అదే

FOLLOW US

సంక్షిప్త సారాంశం

ట్యాగ్స్:

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Train Travel Insurance | 35 పైస‌ల‌కే రూ.10 ల‌క్ష‌ల ఇన్సూరెన్స్‌.. రైళ్లలో ప్ర‌యాణం చేస్తే దీన్ని ఉప‌యోగించుకోండి..!

Krithi Shetty | కృతిశెట్టి గ్లామ‌ర్ ట్రీట్ - కారా వ్యాన్‌లో కిరాక్ ఫోజులు

Osmania University | తెలంగాణ ప్రతీపల్లె పద సాహిత్య మయం: ఎమ్మెల్సీ గోరేటి వెంక‌న్న‌

POPULAR LINKS

Highest Grossing Movie | అవ‌తార్ 3, జురాసిక్ పార్క్‌కు షాకిచ్చిన యానిమేష‌న్ మూవీ - 18 వేల కోట్ల క‌లెక్ష‌న్స్‌తో ర‌చ్చ‌

Bad Breath | మీ నోరు త‌ర‌చూ దుర్వాస‌న వ‌స్తుందా..? జాగ్ర‌త్త‌.. అది క్యాన్స‌ర్ కావ‌చ్చు..!