China | చైనాలో 2200 ఏళ్ల క్రితమే నాలుగు లేన్ల నేషనల్ హైవే.. తొలి సామ్రాజ్యపు ఆధారాలు కనుగొన్న పురావస్తు శాస్త్రవేత్తలు

China | చైనా తొలి సామ్రాజ్యాన్ని ఒక్క తాటిపైకి తీసుకొచ్చిన అతి ప్రాచీన మౌలిక సదుపాయాల్లో ఒక్కటైన చిన్ స్ట్రెయిట్ రోడ్డు (Qin Straight Road)కు చెందిన అతి పురాతన భాగాన్ని తాజాగా పురావస్తు శాస్త్రవేత్తలు గుర్తించారు. సుమారు 13 కిలోమీటర్ల పొడవు గల ఈ రహదారిని క్రీ.పూ. 3వ శతాబ్దంలో చైనాలోని ప్రధాన కేంద్రం నుంచి సరిహద్దులను అనుసంధానించేందుకు నిర్మించారు. దాదాపు 2200 ఏళ్ల నాటి కొత్త భాగాన్ని కనుగొనడంతో మళ్లీ చిన్ స్ట్రెయిట్ రోడ్డు గురించి చర్చ జరుగుతోంది. ఉత్తర చైనాలోని షాంగ్సీ ప్రావిన్స్లోని యులిన్ నగరానికి చెందిన సాంస్కృతిక వారసత్వ పరిశోదన సంస్థ గత ఏడాది చేపట్టిన సర్వేలో ఈ పురాతన రహదారికి సంబంధించిన అవశేషాలు వెలుగులోకి వచ్చాయి. చారిత్రక గ్రంథాల్లో పేర్కొన్నట్లుగా దాదాపు 900 కిలోమీటర్ల పొడవైన చిన్ స్ట్రెయిట్ రహదారి నిజంగా ఉందనే వాదనకు ఇది ఇప్పుడు బలమైన ఆధారంగా మారింది. ఐదేళ్లలోనే నిర్మాణం చైనా తొలి చక్రవర్తి చిన్ షీ హువాంగ్ ఈ రహదారి నిర్మాణానికి ఆదేశించినట్లుగా చరిత్ర చెబుతోంది. అప్పటి రాజధాని షియాన్యాంగ్ ( నేటి షాంగ్సీ) నుంచి నేటి మంగోలియాలోని జియుయువాన్ (బావోటౌ) వరకు నేరుగా వెళ్లేలా ఈ రహదారిని నిర్మించారు. ఉత్తర దిశ నుంచి దాడులు చేసే జియోంగ్నూ సంచార జాతులను ఎదుర్కోవానికి సైన్యాన్ని, ఇతర సామగ్రిని తరలించడమే వీలైనంత తొందరగా తరలించడమే ఈ రహదారి ప్రధాన లక్ష్యం. కేవలం ఐదేళ్లలోనే ఈ రహదారి నిర్మాణం పూర్తయ్యిందని చరిత్ర చెబుతోంది. అద్బుతమైన ఇంజినీరింగ్ వర్క్ కొత్తగా గుర్తించిన రహదారి భాగాన్ని పరిశీలిస్తే అప్పటి కాలానికి చెందిన ఇంజినీరింగ్ నైపుణ్యం కనిపిస్తోంది. ఇది మనం ఇప్పటివరకు అంచనా వేసిన దానికంటే చాలా గొప్పగా ఉందని పురావస్తు నిపుణులు చెబుతున్నారు. నేరుగా సాగే లోతైన మార్గాలు, మట్టిదిమ్మలతో నిర్మించిన వాలులు, కుదించబడిన రోడ్డు బెడ్లు, సమతలంగా ఉండేందుకు పూడ్చివేసిన లోయలను ఈ రహదారి భాగంలో గుర్తించారు. ఈ రహదారి సగటున 40 మీటర్ల వెడల్పు ఉంది. కొన్నిచోట్ల 60 మీటర్ల వెడల్పుతో ఉంది. ఇది ఇప్పటి నాలుగు లేన్ల రహదారికి సమానమని పరిశోధకులు అంచనా వేస్తున్నారు. పదే పదే మనుషులు, వాహనాలు వెళ్లడం వల్ల ఏర్పడిన ముద్రలు కూడా ఈ రహదారిప కనిపించాయి. దీన్ని బట్టి ఈ రహదారి చాలాకాలం పాటు ఉపయోగంలో ఉన్నట్లు తెలుస్తోంది. సైనిక కేంద్రంగానూ వినియోగం కొత్తగా కనుగొన్న రహదారికి సమీపంలో చిన్న సహాయక కేంద్రం (రిలే స్టేషన్ ) అవశేషాలు కూడా లభించాయి. అక్కడ దొరికిన కుండల ముక్కలు చిన్ రాజవంశం నుంచి హాన్ రాజవంశపు కాలం (క్రీ.పూ.206 -క్రీ.శ. 220) వరకు ఈ రిలే స్టేషన్ ఉపయోగంలో ఉన్నట్లు సూచిస్తుంది. దీని ద్వారా ఇది కేవలం స్వల్పకాలికంగా కాకుండా దీర్ఘకాలిక సైనిక - లాజిస్టిక్ కేంద్రంగా పనిచేసినట్లు స్పష్టమవుతోంది. గ్రేట్ వాల్ తర్వాత రెండో అతిపెద్ద ప్రాజెక్టు చిన్ స్ట్రెయిట్ రోడ్డు పురాతన చైనాలో గ్రేట్ వాల్ తర్వాత రెండో అతి పెద్ద జాతీయ రక్షణ ప్రాజెక్టు అని చైనా సాంస్కృతిక వారసత్వ విభాగానికి చెందిన చైనా కల్చరల్ హెరిటేజ్ న్యూస్ తమ కథనంలో వెల్లడించింది. దీన్ని ప్రపంచ రహదారుల పూర్వీకుడు అని కూడా అభివర్ణించింది. కాలగర్భంలో కలిసిపోయిన మార్గం చిన్ షీ హువాంగ్ కాలంలో అంటే క్రీ.ప.212లో ఈ రహదారి నిర్మాణం ప్రారంభమైందని ప్రము చరిత్రకారుడు షీమా జియాన్ తన రికార్డ్ ఆఫ్ ది గ్రాండ్ హిస్టారియన్లో రాసుకొచ్చారు. చక్రవర్తి మరణం తర్వాత ఆయన కుమారుడు చిన్ ఎర్ షీ ఆధ్వర్యంలో క్రీ.ప.207లో పూర్తయ్యిందని అందులో పేర్కొన్నారు. చిన్ రాజవంశం పాలన సమయంలో గ్రేట్ వాల్ ఆఫ్ చైనా, చిన్ స్ట్రెయిట్ రోడ్డు ఉపయోగించబడ్డాయి. బలగాలు తొందరగా చేర్చడానికి, ఉత్తర వైపునుంచి వచ్చే ఆపదలను తిప్పికొట్టేందుకు ఇవి సమర్థవంతంగా ఉపయోగపడ్డాయి. కానీ ఎప్పుడైతే చిన్ సామ్రాజ్య శక్తి తగ్గిందో.. అప్పటి నుంచి ఈ రహదారి వ్యతిరేక శక్తులకు కూడా లబ్ధి చేకూర్చింది. సంచార జాతుల వల్ల తక్కువ సామర్థ్యంతోనే చైనాలోకి అడుగుపెట్టేందుకు సాయపడింది. దీంతో ఆక్రమణదారులు ఈ రహదారిని ఉపయోగించకుండా హాన్ అధికారులు మూడు సార్లు ఈ రహదారిని నాశనం చేసినట్లు చారిత్రక కథనాలు చెబుతున్నాయి. కాలక్రమేణా రాజవంశాల మార్పు, డాక్యుమెంటేషన్ లోపాల కారణంగా ఈ రహదారి కాలగర్భంలో కలిసిపోయింది. ఈ రహదారికి సంబంధించి1974లో ఒక భాగం, 2009లో ఫూ కౌంటీలో మరో భాం వెలుగులోకి వచ్చింది. కానీ పెద్ద విభాగాలు ఇప్పటివరకు నిర్ధారణ కాలేదు. యులిన్ ప్రాంతంలో ము ఉస్ ఎడాది విస్తరించడంతో ఈ రహదారిని కనుగొనే పరిశోధన కష్టంగా మారింది. అయితే ఇటీవల పచ్చదనం పెరగడంతో శాటిలైట్ చిత్రాల ఆధారంగా పురావస్తు శాస్త్రవేత్తలు ఈ కొత్త భాగాన్ని గుర్తించారు.

China | చైనాలో 2200 ఏళ్ల క్రితమే నాలుగు లేన్ల నేషనల్ హైవే.. తొలి సామ్రాజ్యపు ఆధారాలు కనుగొన్న పురావస్తు శాస్త్రవేత్తలు

FOLLOW US

ట్యాగ్స్:

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Train Travel Insurance | 35 పైస‌ల‌కే రూ.10 ల‌క్ష‌ల ఇన్సూరెన్స్‌.. రైళ్లలో ప్ర‌యాణం చేస్తే దీన్ని ఉప‌యోగించుకోండి..!

Krithi Shetty | కృతిశెట్టి గ్లామ‌ర్ ట్రీట్ - కారా వ్యాన్‌లో కిరాక్ ఫోజులు

Osmania University | తెలంగాణ ప్రతీపల్లె పద సాహిత్య మయం: ఎమ్మెల్సీ గోరేటి వెంక‌న్న‌

POPULAR LINKS

Highest Grossing Movie | అవ‌తార్ 3, జురాసిక్ పార్క్‌కు షాకిచ్చిన యానిమేష‌న్ మూవీ - 18 వేల కోట్ల క‌లెక్ష‌న్స్‌తో ర‌చ్చ‌

Bad Breath | మీ నోరు త‌ర‌చూ దుర్వాస‌న వ‌స్తుందా..? జాగ్ర‌త్త‌.. అది క్యాన్స‌ర్ కావ‌చ్చు..!