New Delhi | ఢిల్లీలో త‌గ్గిన కాలుష్యం.. ఆ వాహ‌నాల‌కు అనుమ‌తి

New Delhi | దేశ రాజధాని ఢిల్లీ (New Delhi)లో వాయుకాలుష్యం (Air Pollution) కాస్త తగ్గడంతో గత రెండు వారాలుగా బీఎస్ 4 వాహనాల (BS 4 Vehicles)పై అమలులో ఉన్న నిషేధాన్ని అధికారులు ఎత్తివేశారు. ఢిల్లీలో వాయుకాలుష్యం పెరిగిపోవడంతో బీఎస్ 4 వాహనాలను నగరంలో ప్రవేశించకుండా నిషేధం విధించిన సంగతి తెలిసిందే. తాజాగా గాలి నాణ్యత (Air Quality Index)ను పరిగణనలోకి తీసుకుని ఈ నిర్ణయం తీసుకున్నట్లు కమిషన్ ఫర్ ఎయిర్ క్వాలిటీ మేనేజ్మెంట్ ప్రకటన విడుదల చేసింది. గాలి కాలుష్యం ప్రాతిపదికగా ఆంక్షలు ఢిల్లీలో విపరీతమైన వాయుకాలుష్యం కారణంగా ప్రభుత్వం అవసరానికి తగ్గట్లు ఆంక్షలు విధిస్తుంది. ఈ నెల 13న ఢిల్లీ ఎయిర్ క్వాలిటీ ఇండెక్స్ 450ని దాటడంతో బీఎస్ 3, బీఎస్ 4 వాహనాలను నిషేధిస్తూ ఉత్తర్వులు జారీ చేశారు. కేవలం బీఎస్ 6 వాహనాలు మాత్రమే నగరంలోకి అనుమతించవచ్చనే నిబంధన విధించారు. దీంతో సుమారు 12 లక్షల వాహనాలు నిషేధానికి గురయ్యాయి. ఢిల్లీలో రిజిస్టర్ అయిన వాహనాలకు మాత్రమే అనుమతి ఈ సడలింపు కేవలం ఢిల్లీలో రిజిస్టర్ అయిన వాహనాలకు మాత్రమే ఉంటుంది. వాహనం ఢిల్లీలో రిజిస్టర్ అయి, చెల్లుబాటైన పొల్యూషన్ అండర్ కంట్రోల్ సర్టిఫికెట్ ఉంటేనే వాహనాన్ని వినియోగించుకునే అవకాశం ఉంటుంది. ఢిల్లీలో రిజిస్టర్ కాని బీఎస్ 3, బీఎస్ 4 వాహనాలు నగరంలోకి ప్రవేశించకూడదు. దీనిని అతిక్రమిస్తే భారీ జరిమానా విధిస్తారు.