మీ ఐఫోన్‌లో ఈ సెట్టింగ్‌ను ఆన్ చేయండి చాలు.. ఫోన్‌ను పోగొట్టుకున్న‌ప్పుడు ఆఫ్‌లో ఉన్నా ఎక్క‌డ ఉందో ఇలా ఈజీగా క‌నిపెట్టొచ్చు..

స్మార్ట్ ఫోన్లను పోగొట్టుకుంటే ఆ బాధ ఎలా ఉంటుందో పోగొట్టుకున్న వారికే తెలుస్తుంది. కొన్నిసార్లు మన అజాగ్రత్త వల్ల ఫోన్లను పోగొట్టుకుంటాం. లేదా దొంగలు కొట్టేసినా కూడా ఫోన్లు పోతాయి. ఈ క్రమంలో పోయిన ఫోన్ను వెతికిపట్టుకోవడం కష్టంగా ఉంటుంది. ఆండ్రాయిడ్ ఫోన్ల మాట అటుంచితే ఐఫోన్లను చాలా సులభంగా వెదికిపట్టుకోవచ్చు అన్న విషయం అందరికీ తెలిసిందే. ఇందుకు గాను ఐఫోన్లలో ప్రత్యేకంగా ఫైండ్ మై డివైస్ అనే ఫీచర్ ఉంటుంది. అయితే దీన్ని వాడడంలోనూ కొన్ని సవాళ్లు ఎదురవుతుంటాయి. ఫోన్ ఆఫ్ లో ఉంటే గతంలో ఈ ఫీచర్ను వాడడం ఇబ్బందిగా ఉండేది. ఐఫోన్ను ట్రాక్ చేయాలంటే అది కచ్చితంగా ఆన్లో ఉండాలి. అలా అయితేనే పోయిన ఫోన్ను వెదికి పట్టుకోవడం సులభతరం అవుతుంది. అయితే ఇప్పుడు అలాంటి సమస్య లేదు. ఎందుకంటే ఐఫోన్లలో కొత్త సెట్టింగ్స్ను అందిస్తున్నారు. ఈ క్రమంలో ఐఫోన్ పోయినప్పుడు అది ఆఫ్లో ఉన్నా సరే దాన్ని సులభంగా ట్రాక్ చేయవచ్చు. ఐఫోన్లలో ఫైండ్ మై నెట్వర్క్ పేరిట కొత్త ఫీచర్లను, సెట్టింగ్స్ను అందిస్తున్నారు. ఈ ఫీచర్లు ఐఫోన్ 11 ఆ తరువాత వచ్చిన ఐఫోన్లలో లభిస్తున్నాయి. ఈ క్రమంలో ఈ సెట్టింగ్స్ ద్వారా పోగొట్టుకున్న ఐఫోన్ను చాలా సులభంగా ట్రాక్ చేయవచ్చు. ఐఫోన్లలో నూతన తరహా ఫీచర్లను అందిస్తున్నారు. దీని ప్రకారం అన్ని యాపిల్ ఐఫోన్లు స్విచాఫ్ లో ఉన్నా సరే ఎన్క్రిప్టెడ్ లొకేషన్ డేటాను సమీపంలో ఉన్న యాపిల్ డివైస్లకు రిలే చేస్తుంటాయి. ఆయా డివైస్లు ఇతర యూజర్లకు చెందినవి అయినా సరే అవి స్విచాఫ్ అయిన ఐఫోన్ల నుంచి ఎన్క్రిప్టెడ్ లొకేషన్ డేటాను స్వీకరిస్తుంటాయి. ఈ క్రమంలో ఐఫోన్ స్విచాఫ్లో ఉన్నా సరే సులభంగా ట్రాక్ చేయవచ్చు. ఇక ఇందుకు గాను ఐఫోన్లలో అందిస్తున్న లో పవర్ బ్లూటూత్ టెక్నాలజీ పనిచేస్తుంది. అయితే ఈ ఫీచర్లను ఉపయోగించాలంటే ఐఫోన్లో కొన్ని సెట్టింగ్స్ను ఎనేబుల్ చేసుకోవాల్సి ఉంటుంది. ఐఫోన్లో సెట్టింగ్స్లోకి వెళ్లి యూజర్లు తమ పేరుపై ట్యాప్ చేసి అనంతరం వచ్చే ఫైండ్ మై అనే ఆప్షన్ను ఓపెన్ చేయాలి. అందులో ఫైండ్ మై ఐఫోన్ ను ఓపెన్ చేస్తే అందులో ఫైండ్ మై ఐఫోన్, ఫైండ్ మై నెట్వర్క్, సెండ్ లాస్ట్ లొకేషన్ అనే మూడు సెట్టింగ్స్ కనిపిస్తాయి. వాటన్నింటినీ ఎనేబుల్ చేయాలి. అంతే.. మీ ఫోన్ ఇక స్విచాఫ్లో ఉన్నప్పటికీ సులభంగా ట్రాక్ అవుతుంది. మీ ఫోన్ ఒకవేళ పోతే దాన్ని ఎవరైనా ఆఫ్ చేస్తే అప్పుడు చాలా సులభంగా ఆ ఫోన్ లొకేషన్ను ట్రాక్ చేయవచ్చు. ఇక యూజర్లు పోయిన తమ ఫోన్ను ట్రాక్ చేసేందుకు గాను ఏదైనా పీసీ ఇంటర్నెట్ బ్రౌజర్లో యాపిల్ అకౌంట్లోకి తమ ఐడీతో లాగిన్ అయి అందులో లిస్ట్ అయి ఉన్న డివైస్లలో పోయిన డివైస్ను ఎంచుకోవాలి. అనంతరం దాన్ని లొకేషన్ ఫీచర్ ఉపయోగించి ట్రాక్ చేయవచ్చు. దీంతో ఫోన్ ఎక్కడ ఉందో సులభంగా తెలిసిపోతుంది. దాన్ని యూజర్లు రికవరీ చేయవచ్చు. ఈ విధంగా ఐఫోన్ యూజర్లకు ఈ ఫీచర్ అద్భుతంగా పనిచేస్తుంది. కనుక ఇప్పుడే మీ ఐఫోన్లోనూ ఈ సెట్టింగ్స్ను వెంటనే ఎనేబుల్ చేసుకోండి. దీంతో ఫోన్ పోయినా కూడా నిశ్చింతగా ఉండవచ్చు.

FOLLOW US

ట్యాగ్స్:

సంబంధిత వార్తలు

iPhone | భార‌త్‌లో అత్యధికంగా అమ్ముడ‌వుతున్న ఫోన్ ఇదే..!

Apple Watch Sleep Score | యాపిల్ వాచ్‌లో స్లీప్ స్కోర్ ఫీచ‌ర్‌.. మీ నిద్ర క్వాలిటీ ఎలా ఉందో చెప్పేస్తుంది..

Apple Day Sale 2025 | విజ‌య్ సేల్స్ లో యాపిల్ ప్ర‌త్యేక సేల్‌.. ఐఫోన్ 17 స‌హా ప‌లు ప్రొడ‌క్ట్స్‌పై భారీ త‌గ్గింపు ధ‌ర‌లు..

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Zodiac Signs | 2026లో ఆ రాశి రాజ‌కీయ నేత‌ల‌కు మంచి రోజులు.. హంస యోగంతో అధికార పీఠం వైపు..!

INDW Vs SLW | స‌త్తా చాటిన భార‌త్‌.. లంక‌పై టీ20 సిరీస్ క్లీన్ స్వీప్‌..

Zodiac Sign | 2026లో ఈ రాశి విద్యార్థుల‌కు అన్ని విజ‌యాలే..! యూపీఎస్సీ ఫ‌లితాల్లో స‌క్సెస్ అవుతార‌ట‌..!!

POPULAR LINKS

BSNL | బీఎస్ఎన్ఎల్‌ క‌స్ట‌మ‌ర్ల‌కు గుడ్ న్యూస్‌.. త్వ‌ర‌లోనే 5జి సేవ‌లు..

Riddhi Kumar | రాజాసాబ్ కంటే ముందు ప్ర‌భాస్‌తో హీరోయిన్ రిద్ది కుమార్ చేసిన సినిమా ఏదో తెలుసా?