Google ELS | గూగుల్ ఎమ‌ర్జెన్సీ లొకేష‌న్ సేవ‌లు అద్భుతం.. అత్య‌వ‌స‌ర స‌మయాల్లో ఇక క్ష‌ణాల్లో స‌హాయం..

Google ELS | టెక్ దిగ్గజ సంస్థ గూగుల్ దేశంలోనే తొలిసారిగా ఎమర్జెన్సీ లొకేషన్ సర్వీస్ (ELS) సేవలను ప్రారంభించింది. ఈ సేవలు ఇప్పటికే అనేక దేశాల్లో అందుబాటులో ఉండగా, భారత్ లో మాత్రం తాజాగా ప్రారంభించినట్లు గూగుల్ తెలియజేసింది. ఈ క్రమంలోనే ఉత్తరప్రదేశ్ లో ఇప్పటికే పైలట్ ప్రాజెక్ట్ కింద ఈ సేవలను గత కొంత కాలం కిందటే ప్రారంభించారు. ఆ సేవలు విజయవంతం అవడంతో ఇప్పుడు అధికారికంగా ఆ రాష్ట్రంలో ELS సేవలను ప్రారంభిస్తున్నట్లు తెలిపారు. ఇందుకు గాను ఉత్తరప్రదేశ్ ప్రభుత్వం గూగుల్తో భాగస్వామ్యం అయింది. ఈ క్రమంలోనే గూగుల్ అందిస్తున్న ELS సేవలకు చెందిన టెక్నాలజీని ఆ రాష్ట్ర ప్రభుత్వ ఎమర్జెన్సీ సేవలతో అనుసంధానం చేశారు. దీని వల్ల ఆ రాష్ట్రంలోని స్మార్ట్ ఫోన్ యూజర్లు ప్రస్తుతం ఈ సేవలను పొందవచ్చు. అసలేమిటీ ELS..? సాధారణంగా పౌరులు ఎవరైనా అత్యవసర సమయాల్లో ఉన్నప్పుడు ఫోన్ ద్వారా సమాచారం అందించలేకపోతే ఈ ELS పనిచేస్తుంది. ఫోన్ సిగ్నల్ సరిగ్గా లేకపోతే కాల్స్ మాట్లాడలేరు. నెట్ వర్క్ అందుబాటులో లేకున్నా కాల్స్ చేసి సమాచారాన్ని చెప్పలేరు. కానీ ELS ద్వారా అలాంటి సందర్భాల్లో ఉన్న పౌరులకు చెందిన లొకేషన్ డేటాను కచ్చితత్వంతో తెలుసుకోవచ్చు. ఎంతలా అంటే 50 మీటర్ల పరిధిలో ఉన్న వారి లొకేషన్ కూడా చాలా సులభంగా తెలిసిపోతుంది. దీంతో అత్యవసర సేవలకు చెందిన అధికారులు, సిబ్బంది అలాంటి పౌరులను త్వరగా చేరుకుని సహాయం అందించవచ్చు. అయితే ఈ సేవలను ఉత్తరప్రదేశ్ రాష్ట్ర ప్రభుత్వం ఎమర్జెన్సీ సర్వీసెస్లో అంతర్భాగంగా అందిస్తుంది. కనుక స్మార్ట్ ఫోన్ వినియోగదారులు ELS కోసం ప్రత్యేకంగా ఎలాంటి సాఫ్ట్ వేర్ లేదా యాప్ను ఇన్ స్టాల్ చేసుకోవాల్సిన అవసరం లేదు. అలాగే ఈ సేవలను పూర్తిగా ఉచితంగానే అందిస్తున్నారు. ఇందుకోసం ఎలాంటి చార్జిలను చెల్లించాల్సిన అవసరం కూడా లేదు. ఎలా వాడాలి..? ELS సేవలను పొందేందుకు ప్రత్యేకంగా పౌరులు ఏమీ చేయాల్సిన పనిలేదు. రాష్ట్ర ప్రభుత్వం అందుబాటులో ఉంచిన ఏదైనా అత్యవసర సేవలకు చెందిన ఫోన్ నంబర్కు కాల్ చేసి తమ పరిస్థితిని వివరిస్తే చాలు. దీంతో ఆ సేవల్లో అంతర్భాంగా ఉండే ELS ద్వారా సంబంధిత సేవలను అందించే సంస్థ లేదా ప్రభుత్వానికి చెందిన అధికారులు, సిబ్బంది పౌరులకు చెందిన లొకేషన్ను వెంటనే తెలుసుకుంటారు. దీంతో వెంటనే వారి లొకేషన్ దగ్గరకు సహాయం పంపిస్తారు. దీని వల్ల అత్యవసర సేవల్లో పౌరులకు సత్వరమే సహాయం లభిస్తుంది. ఇక ఉత్తరప్రదేశ్ ప్రభుత్వం ELS సేవలను అక్కడి 112 ఎమర్జెన్సీ సేవల్లో అంతర్భాగంగా అందిస్తోంది. కనుక ELS సేవలను అక్కడి పౌరులు పొందాలనుకుంటే తాము ఎమర్జెన్సీలో ఉన్నప్పుడు 112 ఫోన్ నంబర్కు కాల్ చేయాల్సి ఉంటుంది. అయితే దీన్ని త్వరలోనే మరిన్ని ఎమర్జెన్సీ సేవలకు చెందిన ఫోన్ నంబర్లలో అందిస్తామని ఉత్తరప్రదేశ్ ప్రభుత్వం తెలియజేసింది. ఇక ఈ సేవలకు గాను ఆ రాష్ట్ర ప్రభుత్వం పెర్ట్ టెలికాం సొల్యూషన్స్ ప్రైవేట్ లిమిటెడ్ (పెర్ట్సోల్) అనే సంస్థతో భాగస్వామ్యం అయింది. ELS సేవలను పెర్ట్సోల్, గూగుల్ సహకారంతో యూపీ ప్రభుత్వం అందిస్తోంది. డేటా సేఫ్టీ..? ELS సేవలను అందించేందుకు గాను యూజర్కు చెందిన ఆండ్రాయిడ్ స్మార్ట్ ఫోన్లోని లొకేషన్ డేటాను సంస్థలు స్వీకరిస్తాయి. యూజర్ ఎమర్జెన్సీ ఫోన్ నంబర్కు కాల్ చేయగానే డేటా రిసీవింగ్ మొదలవుతుంది. కనుక నెట్ వర్క్ లేక లేదా మరే ఇతర కారణాల వల్ల అయినా ఫోన్ కాల్ మధ్యలో కట్ అయినా సరే అప్పటికే యూజర్ లొకేషన్ తెలిసిపోతుంది. దీంతో ఎమర్జెన్సీ సర్వీస్ వారు వెంటనే స్పందించి యూజర్ వద్దకు సహాయం పంపిస్తారు. అయితే యూజర్ ఫోన్లోని లొకేషన్ డేటాను స్వీకరించిన తరువాత ఆ డేటా భద్రంగా ఉంటుందా, అది సంఘ విద్రోహ శక్తుల చేతుల్లో పడే ప్రమాదం ఉంటుందా..? అని సందేహాలు వస్తాయి. కానీ ఇది పూర్తిగా సురక్షితమని, పూర్తిగా ఎన్క్రిప్టెడ్ వాతావరణంలో ఈ ప్రక్రియ నిర్వహించబడుతుందని, కనుక యూజర్ లొకేషన్ డేటాకు పూర్తి స్థాయిలో భద్రత ఉంటుందని గూగుల్ తెలియజేసింది. ఇందులో ఆందోళనకు గురి కావల్సిన అవసరం లేదని స్పష్టం చేసింది. అయితే యూజర్ డేటాను నిరంతరం స్వీకరించడం ఉండదు. కేవలం కాల్ చేసినప్పుడు మాత్రమే స్వీకరిస్తారు. కనుక యూజర్ డేటాకు వచ్చే ముప్పు ఉండదు. పైలట్ ప్రాజెక్టు సక్సెస్.. ELS సేవలను ఆండ్రాయిడ్ ఆపరేటింగ్ సిస్టమ్లో అంతర్భాగంగా అందిస్తున్నారు. కనుక యూజర్ కచ్చితంగా ఆండ్రాయిడ్ ఫోన్ను ఉపయోగిస్తుండాలి. అలాగే ఆండ్రాయిడ్ ఆపరేటింగ్ సిస్టమ్ వెర్షన్ 6.0 లేదా ఆపైన ఉండాలి. ఈ సేవలకు గాను ఎలాంటి యాప్, సాఫ్ట్వేర్ అప్డేట్, వెబ్సైట్ అవసరం లేదు. ఇవి ఉచితంగానే పౌరులకు అందుబాటులో ఉంటాయి. ఈ సేవలను అందించేందుకు ఉత్తరప్రదేశ్లో పైలట్ ప్రాజెక్టులో భాగంగా ఇప్పటికే 2 కోట్లకు పైగా కాల్స్ను విశ్లేషించారు. అవన్నీ అత్యంత కచ్చితత్వంతో యూజర్ల లొకేషన్ను కనుగొన్నాయి. అందుకనే ELS సేవలను అక్కడ అధికారికంగా ప్రారంభించారు. ఇక దేశంలోని ఇతర రాష్ట్రాల్లోనూ ఈ సేవలను త్వరలోనే విస్తరించేందుకు ప్రణాళికలు రచిస్తున్నారు. కాగా యూజర్ ఏదైనా ఎమర్జెన్సీ సర్వీస్కు కాల్ చేసినప్పుడు అతని డివైస్కు చెందిన జీపీఎస్, వైఫై, సెల్యులార్ నెట్వర్క్ వంటి అంశాలను ఆధారంగా చేసుకుని అతని లొకేషన్ను అత్యంత కచ్చితత్వంతో గుర్తిస్తారు. అందుకనే ఈ సేవలు అంతగా విజయవంతం అయ్యాయి. ఈ తరహా సేవలు ప్రస్తుతం 60కు పైగా దేశాల్లో ఇప్పటికే అందుబాటులో ఉండగా, గూగుల్ మొదటిసారిగా భారత్లో ఉత్తరప్రదేశ్ లో ప్రారంభించింది.

Google ELS | గూగుల్ ఎమ‌ర్జెన్సీ లొకేష‌న్ సేవ‌లు అద్భుతం.. అత్య‌వ‌స‌ర స‌మయాల్లో ఇక క్ష‌ణాల్లో స‌హాయం..

FOLLOW US

ట్యాగ్స్:

సంబంధిత వార్తలు

Change GMail Address | జీమెయిల్ యూజ‌ర్ల‌కు అద్భుత‌మైన ఫీచ‌ర్‌.. ఇక‌పై మీ మెయిల్ ఐడీని ఎడిట్ చేసుకోవ‌చ్చు..!

Google Career Dreamer | విద్యార్థులు, ఉద్యోగుల కోసం గూగుల్ స‌రికొత్త అద్భుత‌మైన టూల్‌.. జాబ్ పొంద‌డం ఇక ఈజీ..!

Google Pixel Upgrade Program | గూగుల్ బంప‌ర్ ఆఫ‌ర్‌.. ఇలా చేస్తే ఎప్ప‌టికీ కొత్త‌ పిక్స‌ల్ ఫోన్ల‌ను వాడ‌వ‌చ్చు..

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Zodiac Signs | 2026లో ఆ రాశి రాజ‌కీయ నేత‌ల‌కు మంచి రోజులు.. హంస యోగంతో అధికార పీఠం వైపు..!

INDW Vs SLW | స‌త్తా చాటిన భార‌త్‌.. లంక‌పై టీ20 సిరీస్ క్లీన్ స్వీప్‌..

Zodiac Sign | 2026లో ఈ రాశి విద్యార్థుల‌కు అన్ని విజ‌యాలే..! యూపీఎస్సీ ఫ‌లితాల్లో స‌క్సెస్ అవుతార‌ట‌..!!

POPULAR LINKS

BSNL | బీఎస్ఎన్ఎల్‌ క‌స్ట‌మ‌ర్ల‌కు గుడ్ న్యూస్‌.. త్వ‌ర‌లోనే 5జి సేవ‌లు..

Riddhi Kumar | రాజాసాబ్ కంటే ముందు ప్ర‌భాస్‌తో హీరోయిన్ రిద్ది కుమార్ చేసిన సినిమా ఏదో తెలుసా?