IND Vs SA | బుమ్రా వేసింది నో బాల్.. అవునా, కాదా.. క్రికెట్ వ‌ర్గాల్లో తీవ్ర‌మైన చ‌ర్చ‌.. థ‌ర్డ్ అంపైర్ నిర్ణ‌యం వివాదాస్ప‌దం..

IND Vs SA | కటక్లోని బారాబతి స్టేడియంలో డిసెంబర్ 9న మంగళవారం సౌతాఫ్రికాతో జరిగిన తొలి టీ20 మ్యాచ్లో భారత్ ఘన విజయం సాధించిన విషయం తెలిసిందే. సఫారీలపై టీమిండియా ఏకంగా 101 పరుగుల భారీ తేడాతో ఘన విజయం సాధించింది. ఈ మ్యాచ్లో హార్దిక్ పాండ్యా తన ఆల్ రౌండర్ ప్రదర్శనతో అదరగొట్టాడు. అయితే ఈ మ్యాచ్లో భారత బౌలర్ బుమ్రా వేసిన ఓ బాల్పై వివాదం నెలకొంది. సౌతాఫ్రికా ప్లేయర్ డెవాల్డ్ బ్రెవిస్కు వేసిన బంతి నో బాల్ అవునా, కాదా అని అందరూ చర్చించుకుంటున్నారు. ఈ క్రమంలోనే థర్డ్ అంపైర్ నిర్ణయం వివాదాస్పదంగా మారింది. సౌతాఫ్రికా ఇన్నింగ్స్ 10వ ఓవర్లో డెవాల్డ్ బ్రెవిస్ అప్పటికే బౌండరీలు, సిక్సర్లు బాదుతూ మంచి ఫామ్లో ఉండగా, ఆ ఓవర్ లో బుమ్రా వేసిన రెండో బంతికి బ్రెవిస్ షాట్ కొట్టేందుకు యత్నించాడు. దీంతో బంతి గాల్లోకి ఎగిరింది. టీమిండియా కెప్టెన్ సూర్యకుమార్ యాదవ్ సింపుల్ క్యాచ్ పట్టాడు. అయితే ఆన్ ఫీల్డ్ అంపైర్కు అనుమానం వచ్చి నో బాల్ చెకింగ్ కోసం థర్డ్ అంపైర్ ను సంప్రదించాడు. ఈ క్రమంలో థర్డ్ అంపైర్ ఆ బంతిని ఫెయిర్ డెలివరీగా ప్రకటించాడు. అయితే రీప్లేలో మెయిన్ యాంగిల్స్లో బుమ్రా పాదం కనిపించకపోయినా కొన్ని యాంగిల్స్లో మాత్రం అతను వేసింది నోబాల్ అని స్పష్టంగా కనిపించింది. అతని పాదం తెల్లని లైన్ వెనుక కాస్త కూడా లేదని గుర్తించారు. దీనిపై కామెంటేటర్లు కూడా నో బాల్ అని చెప్పారు. అయితే థర్డ్ అంపైర్ మాత్రం అనూహ్యంగా అది నో బాల్ కాదని, ఫెయిర్ డెలివరీ అని, అందువల్ల బ్రెవిస్ ఔట్ అయ్యాడని ప్రకటించాడు. దీంతో కామెంటేటర్లు సహా చాలా మంది ప్రేక్షకులు, క్రికెట్ అభిమానులు ఆశ్చర్యం వ్యక్తం చేశారు. అయితే థర్డ్ అంపైర్ ఔట్ అని ప్రకటించాడు కనుక బ్రెవిస్ వెళ్లక తప్పలేదు. ఇక దీనిపై సోషల్ మీడియాలోనూ నెటిజన్లు చర్చించుకుంటున్నారు. థర్డ్ అంపైర్కు మెయిన్ యాంగిల్స్లో బుమ్రా పాదం స్పష్టంగా కనిపించలేదు కనుక ఇతర యాంగిల్స్ను బట్టి నో బాల్ ఇవ్వడం కుదరదు కనుకనే థర్డ్ అంపైర్ అలా ప్రకటించి ఉంటాడని కొందరు కామెంట్లు చేస్తున్నారు. ఇక కొందరు మాత్రం అది కచ్చితంగా నో బాల్ అని చెబుతున్నారు. అయితే అప్పటికే సౌతాఫ్రికా 6 వికెట్లను కోల్పోయి కష్టాల్లో ఉంది. ఒక్క బ్రెవిస్ తప్ప షాట్లు ఆడే బ్యాట్స్ మెన్ ఎవరూ లేరు. అందువల్ల ఆ బంతిని నో బాల్గా ప్రకటించినా ఆ తరువాత కాసేపటికి అయినా సరే బ్రెవిస్ ఔట్ అయి ఉండేవాడని, దీంతో భారత్ సునాయాసంగానే నెగ్గి ఉండేదని, ఆ నో బాల్ ఫలితం భారత్పై ఉండేది కాదని కొందరు కామెంట్లు పెడుతున్నారు. ఇక మొదటి టీ20 మ్యాచ్లో భారత బౌలర్లు అద్భుతంగా రాణించడం విశేషం. మ్యాచ్లో టాస్ గెలిచి ముందుగా ఫీల్డింగ్ ఎంచుకున్న సౌతాఫ్రికా భారత్ను బ్యాటింగ్కు ఆహ్వానించింది. దీంతో టీమిండియా నిర్ణీత 20 ఓవర్లలో 6 వికెట్ల నష్టానికి 175 పరుగులు చేసింది. భారత బ్యాట్స్మెన్ అందరూ వరుసగా పెవిలియన్కు క్యూ కట్టినా ఆల్ రౌండర్ హార్దిక్ పాండ్యా క్రీజులోకి వచ్చినప్పటి నుంచి దూకుడును ప్రదర్శించాడు. దీంతో భారత్ గౌరవ ప్రదమైన స్కోరు చేయగలిగింది. మొత్తం 28 బంతులు ఆడిన పాండ్యా 6 ఫోర్లు, 4 సిక్సర్లతో 59 పరుగులు చేసి నాటౌట్గా నిలిచాడు. మళ్లీ బౌలింగ్ సమయంలోనూ ఒక వికెట్ పడగొట్టాడు. ఈ క్రమంలో సౌతాఫ్రికా 12.3 ఓవర్లలోనే కేవలం 74 పరుగులకే ఆలౌట్ అయింది. హార్దిక్ పాండ్యాకు ప్లేయర్ ఆఫ్ ది మ్యాచ్ అవార్డు దక్కింది. ఇక ఈ సిరీస్లో రెండో టీ20 డిసెంబర్ 11వ తేదీన న్యూ చండీగఢ్లో జరగనుంది. మొదటి మ్యాచ్లో విజయంతో భారత్ ఈ సిరీస్లో 1-0 ఆధిక్యాన్ని సాధించింది.

FOLLOW US

ట్యాగ్స్:

సంబంధిత వార్తలు

INDW Vs SLW | స‌త్తా చాటిన భార‌త్‌.. లంక‌పై టీ20 సిరీస్ క్లీన్ స్వీప్‌..

Smriti Mandhana | మ‌రో అరుదైన రికార్డు సాధించిన స్మృతి మంధాన‌.. 10వేల ప‌రుగుల క్ల‌బ్ లో చేరిక‌..

No Shake Hand Policy | నో షేక్ హ్యాండ్ పాల‌సీ.. భార‌త్ ఇంకా ఎంత‌కాలం అలా చేస్తుందో చూస్తాం: మోహ్‌సిన్ న‌క్వీ

ఫీచర్డ్ వార్తలు

Champion Review | ఛాంపియ‌న్ రివ్యూ – శ్రీకాంత్ కొడుకు సినిమా హిట్టా? ఫ‌ట్టా?

Bus Fire Accident | ప్రైవేట్ స్లీపర్ బస్‌ని ఢీకొట్టిన ట్రక్.. మంటలు చెలరేగడంతో 9 మంది సజీవ దహనం

తాజావార్తలు

పాపులర్

Zodiac Signs | 2026లో ఆ రాశి రాజ‌కీయ నేత‌ల‌కు మంచి రోజులు.. హంస యోగంతో అధికార పీఠం వైపు..!

INDW Vs SLW | స‌త్తా చాటిన భార‌త్‌.. లంక‌పై టీ20 సిరీస్ క్లీన్ స్వీప్‌..

Zodiac Sign | 2026లో ఈ రాశి విద్యార్థుల‌కు అన్ని విజ‌యాలే..! యూపీఎస్సీ ఫ‌లితాల్లో స‌క్సెస్ అవుతార‌ట‌..!!

POPULAR LINKS

BSNL | బీఎస్ఎన్ఎల్‌ క‌స్ట‌మ‌ర్ల‌కు గుడ్ న్యూస్‌.. త్వ‌ర‌లోనే 5జి సేవ‌లు..

Riddhi Kumar | రాజాసాబ్ కంటే ముందు ప్ర‌భాస్‌తో హీరోయిన్ రిద్ది కుమార్ చేసిన సినిమా ఏదో తెలుసా?